Mumwe murume ane makore makumi mana nemaviri wekuBulawayo anonzi abaya murume ane makore makumi matatu nematatu nebanga nenyaya yekusawirirana kwavakaita neMuvhuro manheru mudhorobha reMakokoba apo munhu ari kupomerwa mhosva akasanganikwa nemuridzi wemukadzi wake mushure achimukumbira kuti vadanane.

Chiitiko ichi chaitika muna 4th Street Nkosilathi Ncube kubva ipapo asungwa nekuda kwekuponda munhu.

Mutauriri wemapurisa muBulawayo, Inspector Abednico Ncube vanotsinhira nyaya iyi.

“Ndinosimbisa kuti tasunga Nkosilathi Ncube nemhosva yekuponda mumwe murume kuMakokoba kwaaita,” akadaro Inspector Ncube.

Akurudzirawo vanhu kuti vasashandise mhirizhonga panomuka kusawirirana.

Zvinonzi Mandishana anangana naIncube achimupomera mhosva yekuda kudanana nemukadzi wake.

Kanzura forward 7 iyo inobatawo masabhabha eMakokoba Shadreck Sibanda atsanangura  kuti kusanzwisisana pakati pevarume vaviri kwakatanga apo mudzimai waMandishana akakumbira Ncube kuti agadzirise shangu yake uye akabhadhariswa R10.

Zvinonzi paazotadza kubhadhara mari iyi, Ncube abva afunga.

“Yatanga nechibvumirano cheR10 icho chaifanira kubhadharwa nguva pfupi mushure mekunge shangu yemukadzi ari kupomerwa yasonwa. Paakatadza kubhadhara sekuvimbisa, Ncube akakumbira kudanana nemukadzi waMandishana. Vakamhan’ara nyaya iyi kumurume wavo, ”vadaro  VaSibanda.

Varume vaviri ava vabva varwa uye Ncube abaya Mandishana pachidya chake.

Vavakidzani vamhanyira kunzvimbo iyi pavanzwa Mandishana achipopota uye Ncube apunyuka munzvimbo iyi.

Mandishana abuda ropa uye vagari vamutakura vaenda naye kuMpilo Central Hospital apo afa vari munzira